هل تجوز الصلاة بعد الاحتلام بدون اغتسال

 

كيف احفظ بسرعة دون نسيان

كيف احفظ بسرعة دون نسيان

كيف احفظ بسرعة دون نسيان؟ هذه المشكلة يواجهها العديد من الأشخاص والشباب خاصة أثناء الدراسة أو العمل فيجد الشباب أنفسهم غير قادرين على الحفظ وينسون بسرعة كل ما يحفظوه، حيث يواجة العديد من الأشخاص مشاكل في الحفظ ولا يستطيعون أن يحفظوا ولو حتى كم صغير من المعلومات.

هقدم في المقال ده أفضل الحلول، والحلول دي تم تجريبها عشان تحفظ بسرعة ومتنساش اللي انت حفظته.

كيف أحفظ دروسي في وقت قصير

الطريقة الأولى هي تكرار المعلومة

الانسان والعقل بيقدر يحفظ عن طريق التكرار، يعني هتقوم بتكرار النص اللي انت بتقراه عدة مرات، وده هيخليك تتذكر النص بشكل أفضل، وكمان متنتقلش لجزء جديد وانت لسة محفظتش اللي قدامك، وممكن تقوم بتسميع النص لنفسك بصوت عالى نسبياً وده هيساعدك على تذكر النص.

أسهل طريقة لحفظ الدروس في وقت قصير

وضعية الحفظ

ممكن تزود قدرتك على الحفظ ومتنساش المعلومات بسهولة بإنك تجهز كل اللي انت محتاجه وتختار مكان معين تكون بترتاح فيه ويساعدك على التركيز، زي ان المكان مثلاً يكون هادي وفيه اضاءة كويسة، وكمان يكون الكرسي مريح ليك أثناء الجلوس عشان متبقاش حاسس بضيق وانت قاعد.

وممكن وانت بتذاكر تشرب شاي أخضر أو قهوة اللي انت بتحبها، المشروبات دي بتساعد على التركيز بصورة كبيرة.

أسهل طريقة للحفظ في وقت قصير

افهم قبل أن تحفظ

الخطوة دي مهمة جداً جداً جداً وممكن أقعد أقولها لحد بكرة، عشان دي اللي هتخلي عقلك متقبل أساساً إنه يحفظ المعلومة، فإنت يا بطل إفهم الأول المعلومة اللي انت عايز تحفظها وبعدين احفظها عشان حتى متبقاش صعبة عليك في التذكر.

طريقة المذاكرة الصحيحة بدون نسيان

اكتب ما تحفظه

طبعاً الحاجات اللي قلنا فوق مهمة جداً، بس عشان نبقى ظبطين كل حاجة، لازم نكتب اللي بنحفظه لأن دة بيخلى عقلك يتعود ويتمرن على كتابة المعلومة دي، فتبقا بالنسباله معلومة مهمة المفروض انها تتسجل، وبكدة انتب تقنع عقلك انه يحفظ المعلومة دي.

كيفية المذاكرة الصحيحة والحفظ وعدم النسيان ليلة الامتحان

ربط المعلومات

حاول دايماً انك تربط المعلومات المهمة واللي انت مش قادر تحفظها كويس بحاجة انت بتحبها أو حاجة انت تعرفها، زي مثلاً إنك تربط معلومة بمسلسل أو فيلم أو حتى أغنية، وبكدة كل ما تعوز تفتكر المعلومة دي تقوم متذكر انت رابطها بإيه وتستحضرها بكل سهولة، وممكن تخلى المعلومة على نغمة معينة انت عارفها ويبقى أكنك بتغني أغنية.

اقرأ أيضاً: هل يجوز قراءة القرآن من غير وضوء

طريقة حفظ الدروس بسرعة وسهولة

درب نفسك على الضغط

انا عايزك تحفظ أكنك رايح الامتحان كمان 10 دقايق، وبعد متحفظ تحط نفسك أكنك في الامتحان، بمعنى إنك هتكتب السؤال وبعدين تقفل أي حاجة ممكن تاخد منها الإجابة وبعدين تكتب الإجابة بنفسك وتشوف هتقف فين وتراجع عليها.

كل اللي احنا عايزينه هو إنك تتدبقى بتسترجع المعلومة تحت ضغط أكنك في الامتحان بالظبط عشان تتعود ويبقى الموضوع سهل جداً بالنسبالك يا بطل.

العب رياضة

طبعاً كلنا اتهرينا من إن الرياضة مفيدة لجسمك، بس كمان الرياضة مفيدة لعقلك وبالذات قدرتك على الحفظ والتركيز، فعشان كدة يا بطل يلا شد حيلك كدة وقوم روح الجيم، واستمر ها استمر متبقاش زي كل مرة ههههههه.

الأكل الصحي

وبما اننا جبنا سيرة الرياضة يبقى أكيد هناكل أكل صحي عشان تبقى ذاكرتك حديد يا وحش، فحاول تبعد عن المقليات والفاست فود والحاجات دي عشان مش بتخلي العقل بكامل تركيزه.

الاهتمام بالنوم

لازم تنام على الأقل 8 ساعات وبليل ها بليل، مينفعش خالص شغل السهر طول الليل والنوم بالنهار دة عشان انت كدة بتدمر قدرتك على التركيز والفهم بصورة كبيرة، فاهتم انك تنام بليل كويس 8 ساعات أو 9.

وبكدة يا بطل نبقى عرفنا ازاي تحفظ بسرعة بدون نسيان وان شاء الله لو مشيت ع الخطوات اللي فوق دي تحفظ بسرعة ومن غير ما تنسى وتقفل كل الامتحانات وتبقى من المتفوقين كمان، شدو حيلكو وبالتوفيق.

دعاء للحفظ السريع وعدم النسيان

اللهم إني أستودعك ما قرأت وما حفظت وما تعلمت فرده عند حاجتي إليه أنك على كل شيء قدير. اللهم إني استودعتك العلم الذي علمتنيه فرده إلي عند الحاجة رب اشرح لي صدري ويسر لي أمري واحلل عقدة من لساني يفقهوا قولي. يا حي يا قيوم برحمتك أستغيث, رب إني مسني الضأنت أرحم الراحمين.

دعاء لسرعة الحفظ والفهم وعدم النسيان عند اهل البيت

لا إله إلا أنت سبحانك إنّي كنت من الظالمين، يا حيّ يا قيّوم، برحمتك أستغيث، ربّ إنّي مسّني الضّر وأنت أرحم الرّاحمين. اللهم إنّي توكّلت عليك، وسلّمت أمري إليك، لاملجأ ولا منجا منك إلا إليك. ربّ أدخلني مدخل صدق، وأخرجني مخرج صدق، واجعل لي من لدنك سلطاناً نصيراً. اللهم يا جامع النّاس في يوم لا ريب فيه اجمع عليّ ضالتي.